”بکواس بند کرو، گلاس ماروں گا میں” پی پی کے عاجز دھامرا اور رہنما پی ٹی آئی ولید اقبال میں تلخ کلامی ولید اقبال نے مارنے کیلئے گلاس اٹھا لیا


اسلام آباد(مانیٹرنگ ڈیسک) نجی ٹی وی چینل 24نیوز پر پی ٹی آئی کے رہنما سینیٹر ولید اقبال آپے سے باہر ہو گئے اور انہوں نے پیپلز پارٹی کے رہنما کو گلاس مارنے کی دھمکی دے ڈالی ۔پروگرام میں ن لیگ کے خرم دستگیر ، پیپلز پارٹی کے عاجز دھامرا اور پی ٹی آئیکے ولید اقبال شریک تھے ، اس دوران ولید اقبال نے گفتگو کرتے ہوئے کہا کہ ان کے نانا یا ماما کے دربار پر جا کر کوئی ایسا کرے تو دیکھتے ہیں کہ وہ کس طرح رد عمل دیتے ہیں ، ولید اقبال کی یہ بات سن کر

پیپلز پارٹی کے رہنما اور سینیٹر عاجز دھامرا کو غصہ آ گیا اور انہوں نے سخت لہجہ اختیار کرتے ہوئے کہا کہ بکواس بند کریں ، آپ بلاول کے نانا پر بات مت کریں جو موضوع ہے اس پر بات کریں ۔یہاں پر سینیٹر ولید اقبال بھی آپے سے باہر ہو گئے اور جواب دیتے ہوئے کہا کہ تم بکواس بند کرو،ورنہ میں تمہیں گلاس مار دوں گا ۔ ولید اقبال غصے سے آگ بگولہ ہوئے اور گلاس ہاتھ میں اٹھا کر کھڑے ہوگئے۔ صورتحال کو نارمل کرنے کیلئے اینکر پرسن نسیم زہرانے ولید اقبال کو حوصلہ کرنے اور غصے نہ کرنے کی درخواست کی جس کے بعد وہ اپنی نشست پر بیٹھ گئے ۔یہ سارا منظر ن لیگ کے رہنما خرم دستگیر خاموشی کے ساتھ دیکھتے رہے اور کچھ بھی نہ بولے ۔





Source link

اپنا تبصرہ بھیجیں