عمران خان کا کوئٹہ جانے کا اعلان وزیر اعظم کے دورہ کوئٹہ میں آرمی چیف کا اہم کردار سامنے آگیا


اسلام آباد(مانیٹرنگ ڈیسک، اے پی پی)سانحہ مچھ کے متاثرین کی جانب سے دھرنا ختم اور شہدا کی تدفین کے اعلان کے بعد وزیر اعظم عمران خان نے آج ہی کوئٹہ جانے کا اعلان کردیا، اسی حوالے سے نجی ٹی وی پر تجزیہ پیش کرتے ہوئے سینئر صحافی عارف حمید بھٹی کاکہنا ہے کہ آرمی چیف جنرل قمر جاوید بیرون ملک تھے جب انہیں اس واقعے کا پتہ چلا۔انہوں نے فوراً یہی کہا کہ ہزارہ برادری کے تمام مطالبات تسلیم کیے جائیں۔آرمی چیف نے ہزارہ برادری کی سکیورٹی بھی یقینی بنانے کی ہدایت کی۔انہوں نے مزید کہا کہ وزیراعظم کو کوئٹہ

بھجوانے کے لیے بہت زیادہ کردار آرمی چیف نے ادا کیا۔انہوں نے موجودہ صورتحال سے متعلق وزیراعظم کو آگاہ کیا۔ہزارہ برداری کے ساتھ ہونے والے ظلم اور پورے ملک میں احتجاج کے پیش نظر آرمی چیف نے وزیراعظم سے پہلے کوئٹہ جانے کا فیصلہ کیا تھا۔آرمی چیف وہاں پر چند اہم میٹنگ کریں گے، شہدا کمیٹی سے بھی ملاقات کریں گے۔یاد رہے کہ گزشتہ شب وزیراعلی بلوچستان جام کمال خان نے دھرنا کمیٹی کیساتھ مذاکرات کیے جو کامیاب رہے،دھرنا منتظمین کا کہنا ہے کہ ان کے تمام مطالبات مان لئے گئے ہیں اور اتفاق رائے سے تحریری معاہدہ ہوگیا ہے۔وزیراعلی بلوچستان جمال کمال خان ایک بار پھر دھرنا منتظمین اور شہدا کے لواحقین سے مذاکرات کیلئےمغربی بائی پاس پہنچے، وفاقی وزیر علی زیدی اور ڈپٹی سپیکر قومی اسمبلی قاسم سوری بھی ان کے ہمراہ تھے۔دھرنا منتظمین نے وفاقی وزرا اور وزیراعلی بلوچستان کے ساتھ مذاکرات کے بعد میڈیا سے گفتگو میں کہا کہ اتفاق رائے سے فیصلہ ہوگیا ہے، ہمارے تمام مطالبات مان لیے گئے، وزیراعظم عمران خان، وزیراعلی بلوچستان جام کمال خان، وفاقی وزرا اور مقامی انتظامیہ کے ممنون و مشکور ہیں، مذاکرات میں طے ہونیوالے تمام معاملات کا نوٹیفکیشن بھی جاری ہوگیا ہے۔





Source link

اپنا تبصرہ بھیجیں