نئے کرونا کی اطلاع ، پاکستان اسٹاک مارکیٹ کا بھاری نقصان ، مندی غالب آگئی


کراچی(این این آئی)پاکستان اسٹاک ایکس چینج میں منگل کو اتار چڑھاوٗ کا سلسلہ جاری رہنے کے بعد مندی غالب آگئی اورکے ایس ای100انڈیکس 418پوائنٹس کی کمی سے43255پوائنٹس کی سطح پر آ گیا۔گزشتہ روز ٹریڈنگ کا آغاز مثبت زون میں ہوا جس کے باعث ابتدائی اوقات میں تیزی رہیاورسیمنٹ ،آئل اینڈ گیساور بینکنگ شعبے میں حصص خریداری کے باعث کے ایس ای100انڈیکس43912پوائنٹس کی بلند سطح پر پہنچ گیا تاہم 44ہزار کی نفسیاتی حد کے قریب پہنچنے کے بعد ازاں پاکستان میں کرونا وائرس کے نئے قسم کی تشخیص کی اطلاعات کے بعد سرمایہ کاروں کی جانب سے حصص فروخت کا دباوٗ

بڑھ گیا جس کے نتیجے میں تیزی کے اثرات زائل ہوگئے اور مارکیٹ  مندی کی لپیٹ میں آگئی دوران ٹریڈنگ انڈیکس 43203پوائنٹس کی نچلی سطح پر آگیا بعد میں معمولی ریکوری آئی لیکن مندی آخر تک غالب رہی اور کاروبار کے اختتام پر کے ایس ای100انڈیکس418.73پوائنٹس کی کمی سے43255پوائنٹس پر بند ہوا ۔گزشتہ روز نمایاں کاروباری سرگرمیوں کے لحاظ سے یونٹی ،کے الیکٹرک ،پاکستان ریفائنری ،ٹی آر جی اور بائیکو پٹرولیم کے حصص سرفہرست رہے ۔منگل کو 14ارب 76کروڑ44لاکھ روپے مالیت کے29کروڑ64لاکھ 77ہزار شیئرز کا کاروبار ہوا ۔





Source link

اپنا تبصرہ بھیجیں