نیب ایک آنکھ سے محروم ہے، اس کی حکومت کو دیکھنے والی آنکھ اندھی ہوچکی ہے، احسن اقبال کا دعویٰ


لاہور(این این آئی) مسلم لیگ (ن) کے سیکرٹر ی جنرل احسن اقبال نے کہا ہے کہ نیب کو سیاسی انتقام کے لیے استعمال کیا جا رہا ہے، قومی احتساب بیورو ایک آنکھ سے محروم ہے اسے صرف اپوزیشن نظر آتی ہے، اس کی حکومت کو دیکھنے والی آنکھ اندھی ہوچکی ہے، حکمرانوں سے نجات تک ہماری جدوجہد جاری رہے گی۔احسن اقبال نے میڈیا سے گفتگو کرتے ہوئے کہا حکومت نےمعیشت تباہ کر دی اوروقت ملک کو بدترین معاشی و سیاسی بحران میں دھکیل دیاگیا ہے ،کرونا کے باعث معیشت کی کمر ٹوٹ چکی ہے۔حکومت ملک و معیشت و جمہوریت کے

لئے خطرہ بن چکی ہے ۔انہوںنے کہاکہ شہبازشریف کو دیدہ دلیری سے نیب گردی کی گئی،نوٹسز بھیجے جارہے ہیں ،اے پی سی کے بعد نیب نوٹس بھیج رہاہے اگر کوئی نہیں سمجھتا تھا کہ نیب گٹھ جوڑ نہیں تو اب بچے کو بھی پتہ چل گیاہے۔ا نہوںنے کہاکہ (ن) لیگ پاکستان ڈیمو کریٹک موومنٹ کے پلیٹ فارم سے پہلی سٹیرنگ کمیٹی کااجلاس ہوا 11اکتوبر جلسے سے احتجاجی تحریک کاآغاز کررہے ہیں ،سب دیکھ رہے ہیں نیب کو سیاسی انتقام کیلئے استعمال کیا جا رہا ہے، قومی احتساب بیورو ایک آنکھ سے محروم ہے اسے صرف اپوزیشن نظر آتی ہے، اس کی حکومت کو دیکھنے والی آنکھ اندھی ہوچکی ہے۔شوگر مافیا اور آٹا مافیا اربوں روپے لوٹ کر حکومت میں بیٹھ گیاہے۔بی آر ٹی مالم جبہ فارن فنڈنگ کیس نظر نہیں آتا ۔انہوںنے کہاکہ بہتر سالوں سے چینی کی قیمت 55روپے رہی جب حاجی صاحب آئے تو 115پندرہ روپے کردی گئی ،آٹے روپے کی قیمت 35روپے کی بجائے 80روپے کلو کردی گئی بتائیں کون چور اور ڈاکو ہے ،چور اور ڈاکو وہ ہیں جس دور میں غریب روٹی سے محروم ہیں ،نیب اس وقت کانے دجال کا کردار ادا کررہاہے۔انہوںنے کہاکہ حکمرانوں سے نجات تک ہماری جدوجہد جاری رہے گی۔





Source link

اپنا تبصرہ بھیجیں