ن لیگ کے اہم ترین رہنما اپنے استعفے مکر گئے


اسلام آباد(مانیٹرنگ ڈیسک /آئن لائن )پاکستان مسلم لیگ ن کے اہم رہنما اپنے ہی دیے گئے استعفے سے مکر گئے ۔ تفصیلات کے مطابق کے پی کے اسمبلی میں ن لیگ کے پارلیمانی لیڈر سردار اورنگزیب نلوٹھا استعفیٰ سے مکر گئے ہیں ۔ ذرائع نے بتایا ہے کہ اسپیکر کے پی کے اسمبلی مشتاق غنی کو کو بھجوائے گئے استعفےسے لاتعلقی کا اظہار کر دیا، اس حوالے سے ن لیگ کے رہنما نےاسپیکر کے پی کے اسمبلی سے بھی رابطہ کیا ہے ۔ دوسری جانب سلم لیگ (ن) کے سپیکر قومی اسمبلی اسد قیصر کو استعفیٰ بھجوانے والے دو اراکین

مرتضی جاوبد عباسی اور محمد سجاد نے استعفوں کی واپسی کیلئے قومی اسمبلی سیکرٹریٹ سے رابطہ کیا ہے ۔قومی اسمبلی شعبہ قانون سازی کے ذرائع نے اس بات کی تصدیق کی ہے کہ مرتضی جاوید عباسی اور محمد سجاد اپنے استعفے واپس لینا چاہتے ہیں تاہم یہ زبانی نہیں ہوگا ہم نے ان پر واضح کیا ہے کہ وہ استعفوں کی واپسی کیلئے سپیکر کے نام ہی تحریری درخواست دیں ورنہ یہ استعفے واپس نہیں ہونگے ۔ زرائع نے بتایا کہ قومی اسمبلی کے قاعدہ 43کے تحت استعفوں کی منظوری کا عمل مکمل کیا جائیگا اور اسی کے تحت دونوں اراکین کو سات دن کے اندر سپیکر کے سامنے پیش ہونے کا حکم دیا گیا ہے ۔اگر وہ پیش نہیں ہوتے تو پھر ان کے استعفے منظور تصور ہونگے لیکن اگر وہ استعفے واپس لینا چاہتے ہیںتو پھرانہیں اس کیلئے تحریری طورپر درخواست دینا ہوگی ۔ ان کا کہنا تھا کہ دونوں اراکین کے استعفے سپیکر آفس کو باضابطہ موصول ہوئے جس کا تمام ریکارڈ بھی موجود ہے اس سے کوئی فرق نہیں پڑتا کہ استعفوں کے اندر انہوں نے پارٹی قیادت کے حوالے استعفے کرنے کی بات کی ہے لیکن چونکہ ان استعفوں کا مخاطب سپیکر قومی اسمبلی ہے تو لحاظہ اسی وجہ سے سپیکر نے دونوں کیخلاف کارروائی کو آگے بڑھانے کیلئے نوٹس جاری کئے ہیں۔





Source link

اپنا تبصرہ بھیجیں