پاکستان میں عام انتخابات کا مطالبہ کر دیا گیا


کالاشاہ کاکو(آن لائن )تحریک استقلال کے مرکزی صدر حمت خان وردگ نے کہا ہے کہ حالات حکومت کے کنٹرول سے باہر ہوچکے ہیں ، فوری طورپر دوبارہ عام انتخابات کا اعلان یا قومی حکومت تشکیل دی جائے ،غلط حکومتی پالیسیوں کے سبب صوبوں اور وفاق میںاختلافات بڑھتے جارہے ہیں ، ان خیالات کا اظہار انہوں نے کالاشاہ کاکو میں پریس کانفرنس کرتے ہوئے کیا۔ اس موقع پر صوبائی راہنماء میاں محمدافضل بھی انکے ہمراہ تھے ۔ رحمت خان وردگ کا کہنا تھا کہ حکومت کی غلط پالیسیوں کے سبب کسان تباہی کے دہانے پر پہنچ چکا ہے ، فصلوں کا

معقول معاوضہ نہ ملنے کے سبب کسان شدید پریشانی سے دور چار ہے ،مہنگی کھادیں، ادویات ، بیج خریدنے کے باوجود کسان پورا سال محنت کرکے بھی بھوکا ہے ۔ زرعی زمینوں پر ہائوسنگ سوسائٹیوں کو اگر نہ رکا گیا تو وہ وقت دور نہیں جب پوری قوم اناج کیلئے دربدر پھرتی نظر آئیگی۔ سیاسی صورتحال نازک صورتحال اختیار کرچکے ہیں ،ہرطرف افراتفری کا عالم ہے ، سیاسی گرفتار یاںہونے پر مزید حالات بگڑنے کا خدشہ ہے ۔ایک سوال کے جواب پر انکا کہنا تھاکہ پیپلز پارٹی کے لوگوں کی قوم پرستوں سے ملاقات حالات مزید خراب ہونے کی طرف اشارہ ہے ۔ اگر وفاقی حکومت ایسی غلطیاں کرتی رہی تو صوبوں میں اختلافات مزید بڑھ جائینگے ۔انہوں نے کہا کہ فوج ملک کے تمام معاملات کو کنٹرول نہیں کرسکتی ، تمام اداروں کو اپنے دائرہ کار میں رہتے ہوئے آئینی کردار ادا کرنا چاہئے۔ اگر ملک کے حالات خراب ہوتے ہیں تو سب سے زیادہ نقصان پنجاب کا ہوگا ۔





Source link

اپنا تبصرہ بھیجیں