چھوٹے ملازمین کی بجائے افسران کی تنخواہوں میں بھاری اضافہ کر دیا گیا


لاہور(این این آئی)مختلف محکموں کے سینئر افسروں کے لیے انسینٹو الاؤنس منظور کر لیا گیا،کئی محکموں کے افسران کی تنخواہوں میں بھی اضافہ کر دیا گیا۔ پنجاب ریونیو اتھارٹی کے افسروں کے لیے انسینٹو الانس کی منظوری دیدی گئی،پی آراے کے افسروں کے لیے ایک لاکھ سے ڈیڑھ لاکھ تک انسینٹو الانس منظور کیا گیا۔ آئیڈیپ کے افسران کے لیے بھی انسینٹو الانس منظور کیا گیا، آئی ڈیپ افسران کو 50 ہزار سے ایک لاکھ 35 ہزار تک انسینٹو الانس دینے کی منظوری دی گئی ہے۔علاوہ ازیں جی ایم آئی ڈیپ کے لیے ایک لاکھ 20 ہزار، جی ایم ہیومن

ریسورس آئی ڈیپ کے لیے ایک لاکھ 35 ہزار، ڈائریکٹر سپیشل برانچ ساتھ پنجاب کی ماہانہ تنخواہ پیکج 3 لاکھ، ڈائریکٹر آپریشنز ایلیٹ پولیس کی ماہانہ تنخواہ دو لاکھ 25 ہزار اور ایڈنشل ڈائریکٹر سکیورٹی ایس پی یو کی تنخواہ دو لاکھ 25 ہزار روپے ماہانہ کرنے کی منظوری دی گئی۔پینشن فنڈ کے افسروں کی تنخواہوں میں بھی اضافہ کردیا گیا۔ پینشن فنڈ کے اعلی افسروں کی تنخواہیں ایک لاکھ 26 ہزار سے لیکر چار لاکھ 83 ہزار تک کر دی گئیں۔ پینشن فنڈ کے پورٹ فولیو منیجر کی تنخواہ چار لاکھ 83 ہزار کر دی گئی۔ پینشن فنڈ کے اسسٹنٹ اکاؤنٹ منیجر تین لاکھ 41 ہزار روپے تک بڑھا دی گئی جبکہ اسسٹنٹ منیجر اور اسسٹنٹ ریسرچ اینالسٹ کی تنخواہ ایک لاکھ 89 ہزار روپے کر دی گئی۔دوسری جانب اسلام آباد ہائی کورٹ نے مدت رکھنے والے ریڈیو پاکستان کے کنٹریکٹ ملازمین کو ڈیوٹی جاری رکھنے کی ہدایت کی۔ منگل کو اسلام آباد ہائی کورٹ کی جسٹس لبنی سلیم پرویز نے درخواست پر سماعت کی۔ ریڈیو پاکستان کے کنٹریکٹ ملازمین کی جانب سے وکیل احمد خان اعوان جبکہ ریڈیوپاکستان کی جانب سے وکیل شاہدہ سکھیرا عدالت پیش ہوئے۔ عدالت نے کہا کہ جن ملازمین کا کنٹریکٹ ابھی ختم نہیں ہوا، وہ اپنا کام جاری رکھیں، جن ملازمین کا کنٹریکٹ ختم ہوا ہے اسکا فیصلہ ریڈیو پاکستان کا انتظامیہ خود کریں۔عدالت نے کہاکہ وہ کنٹریکٹ ملازمین جو تاحال مدت رکھتے ہیں انکو کام سے نہ روکا جائے، عدالت نے کیس کی سماعت 27 جنوری تک کے لئے ملتوی کردی۔





Source link

اپنا تبصرہ بھیجیں